Ali Milli Təhlükəsizlik Şurasının katibinin Azərbaycan Baş nazirinin müavini ilə görüşü Ölkəmizin Ali Milli Təhlükəsizlik Şurasının katibi cənab Möhsün Rzayi Azərbaycan Respublikasının Baş nazirinin müavini Şahin Mustafayevlə görüşündə ABŞ və sionist rejimin İrana qarşı hücumunu bütün beynəlxalq hüquq norma və prinsiplərinə zidd adlandıraraq bildirib ki, İran bu təcavüzə qarşı qətiyyətlə özünü müdafiə edib. General Rzayi əlavə edib: "Tramp nə danışıqlar apara biləcəyi, nə də müharibəni davam etdirə biləcəyi bir bataqlığa düşüb." Şura katibi vurğulayıb ki, İranın şərtləri Amerikaya çatdırılıb, lakin Tramp qərar qəbul etmək gücündə deyil və ABŞ hərbi sahədəki çıxılmaz vəziyyət səbəbindən hava blokadasına əl atıb. O, bölgənin tarixi proseslərinə toxunaraq vurğulayıb ki, tarix boyu bir çox yadellilər gəlib-gedib, lakin İran və region ölkələri əbədi olaraq qalıblar. İqtisadi əməkdaşlığın, xüsusilə enerji və mədənçilik sahələrinin inkişafı, Araz dəhlizi layihəsinin icrasının sürətləndirilməsi və qonşu dövlətlər arasındakı əlaqələrin gücləndirilməsi görüşün digər əsas müzakirə mövzularından olub. General-leytenant Rzayi, həmçinin İranın Qafqaz regionunda sülhün bərqərar olmasına kömək etməyə hazır olduğunu bəyan edərək deyib: "Amerikanın bölgədə gələcəyi yoxdur və İran qətiyyətlə onun qarşısında dayanıb." Azərbaycan Baş nazirinin müavini Şahin Mustafayev də İran və Azərbaycan arasındakı tarixi-mədəni bağlara toxunaraq, ölkə Prezidentinin 40 günlük müharibə dövründə müharibənin dayandırılması və sülhün əldə olunması ilə bağlı mövqeyini ikitərəfli isti münasibətlərin bariz nümunəsi kimi qiymətləndirib. Şahin Mustafayev İranı Azərbaycanın dost və qardaş ölkə olduğunu vurğulayaraq, Azərbaycan ərazisinin İrana qarşı istifadə olunması ilə bağlı iddiaları təkzib edib. İki ölkə arasında razılaşdırılmış iqtisadi layihələrə, o cümlədən Araz dəhlizinə, su və energetika sahəsində əməkdaşlığa, sərhəd təhlükəsizliyinin təmin olunmasına, eləcə də mal və narkotik vasitələrin qaçaqmalçılığına qarşı mübarizəyə xüsusi diqqət yetirilməsi görüşün digər mühüm istiqamətlərindən olub. Azərbaycanın Baş nazirinin müavini, həmçinin İranın Ermənistan və Azərbaycan arasındakı sülh prosesində müsbət rol oynamasını arzulayıb.